ADU-da Xocalı soyqırımına həsr olunan dəyirmi masa keçirilib

Fevralın 14-də Azərbaycan Dillər Universitetində (ADU) universitetin Sosial elmlər kafedrasının təşkilatçılığı ilə "Xocalı hadisəsi erməni vandalizminin nəticəsidir” mövzusunda dəyirmi masa keçirilib.

Sosial elmlər kafedrasının müdiri, dosent Ədalət Abdiyeva dəyirmi masanın hər bir azərbaycanlı üçün ağrılı bir hadisə olan Xocalı qətliamının 25-ci ildönümünə həsr olunan silsilə tədbirlər planı əsasında keçirildiyini diqqətə çatdırıb.

O, bu həyəcanlı və ağrılı tarixin millətimiz üçün həm böyük insan tələfatı, həm də çoxlu sayda tarixi mədəniyyət abidələrinin məhv edilməsi ilə nəticələndiyini bildirib. Ə.Abdiyeva Xocalı soyqırımının dünya səviyyəsində tanınması və təbliğ edilməsi, düzgün qiymətləndirilməsi istiqamətində dövlətimizin kifayət qədər işlər gördüyünü, amma ikili standartlar ucbatından haqq səsimizi bəyan etməkdə bəzi çətinliklərlə üzləşdiyimizi sözlərinə əlavə edib.

Dəyirmi masanın digər iştirakçları Dağlıq Qarabağ münaqişəsinin ən qanlı səhifələrindən olan Xocalı qətliamının faktlara əsaslanan gerçəkliyi, törədilən insan tələfatı və vandalizmin məhz Azərbaycan dövlətçiliyinə qarşı çevrilməsi haqqında məlumat verib, həmçinin tarix boyu ermənilərin Azərbaycan xalqına qarşı düşmənçilik mövqeyi tutmasından, ayrı-ayrı dövrlərdə xalqımızın müstəqilliyə doğru inamlı addımlarla irəliləməsindən narahat olaraq beynəlxalq hüquq normalarına zidd olan müxtəlif təxribat və qırğınlar törətməsindən bəhs ediblər.

Onlar Heydər Əliyev Fondunun "Xocalıya ədalət” kampaniyasının uğurlu fəaliyyəti nəticəsində artıq bir sıra dünya dövlətlərinin Xocalıda törədilən qırğını soyqırımı kimi qəbul etdiklərini diqqətə çatdırıblar.

Sonda çıxış edən ADU-nun Tərbiyə işləri üzrə prorektoru, professor Ələddin Əliyev mövzu ilə bağlı ətraflı müzakirələrin yer aldığı dəyirmi masanı təqdirəlayiq qiymətləndirib, onun ərsəyə gəlməsində əməyi keçən Sosial elmlər kafedrasına təşəkkürünü bildirib. O, həmçinin tələbələri sistemli şəkildə bu tip tədbirlərə cəlb edərək, onların milli ruhda tərbiyə olunmasına xidmət edilməsinin vacibliyini qeyd edib.

Məqalə Göndər

Загрузка...

Həmçinin oxuyun:

Fevralın 24-də bütün təhsil müəssisələrində ilk dərs Xocalı soyqırımına həsr ediləcək

ADU-da “İxtisas ölkələrində dini həmrəylik və islam” mövzusunda dəyirmi masa keçirilib

ADPU-da “Ali təhsilin informatlaşmasının aktual problemləri, Elektron Universitet, reallıqlar və perspektivlər” mövzusunda dəyirmi masa keçirilib

29 nömrəli Uşaq Yaradıcılıq Mərkəzində “Yaşasın Heydər Əliyevin şah əsəri olan müstəqil Azərbaycan Respublikası” adlı dəyirmi masa keçirilib

Ağstafa təhsil şöbəsində "Xocalı soyqırımı şagirdlərin gözü ilə" adlı müsabiqə keçirilir

Şabran şəhər 5 nömrəli tam orta məktəbdə 18 oktyabr Müstəqillik Günü ilə əlaqədar "Müstəqilliyimiz əbədidir" adlı dəyirmi masa keçirilib.

Şabran rayon Zeyvə kənd tam orta məktəbdə 17 noyabr ― Milli Dirçəliş Günü münasibətilə dəyirmi masa təşkil olunub

Fəal dərsin təşkili....Dəyirmi masa

Pedaqoji təcrübə - dəyirmi masa..

ADPU-nun Quba Filialında 20 Yanvar faciəsinə həsr edilən anım mərasimi keçirilib

ADPU-da 20 yanvarla bağlı anım tədbiri keçirilib

BSU-da 20 yanvarla bağlı anım tədbiri keçirilib