Prezident məktəb-liseydə yaradılan şəraitlə tanış oldu
Bu gün prezident İlham Əliyev Bakının Nizami rayonundakı şəhid Xalid Quliyev adına 62 saylı məktəb-liseydə həyata keçirilən əsaslı təmir və yenidənqurma işlərindən sonra yaradılan şəraitlə tanış olub.
Bakı Şəhər İcra Hakimiyyətinin başçısı Hacıbala Abutalıbov görülən işlərlə bağlı dövlətimizin başçısına məlumat verib.
Bildirildi ki, 41 sinif, 2 informatika, 3 laboratoriya otaqlarından, hərbi təlim sinfindən, idman və akt zallarından, yeməkxanadan ibarət məktəbin mövcud korpusu 1964-cü ildən fəaliyyət göstərir. Məktəbdə əsaslı təmir işləri Azərbaycan Prezidentinin Sərəncamı ilə təsdiq edilmiş "2014-2016-cı illərdə Bakı və ətraf qəsəbələrin sosial-iqtisadi inkişafı Dövlət Proqramı”na əsasən aparılıb. Bina müasir səviyyədə əsaslı təmir olunub. Təhsil müəssisəsinin yerləşdiyi ərazinin sahəsi 11 min kvadratmetrdir. 984 şagird yerlik məktəbdə tədrisin müasir səviyyədə qurulması üçün hər cür şərait yaradılıb. Tədris müəssisəsi lazımi avadanlıqla tam təchiz olunub.
Dövlətimizin başçısı məktəb-liseydə yaradılan "Sağlam təhsil” sinifləri ilə də tanış oldu. "Sağlam təhsil-sağlam millət” layihəsinin məqsədi məktəblərdə şagirdlərin sağlamlığının qorunması və təhsil nailiyyətlərinin yüksəldilməsindən ibarətdir. Ümumtəhsil müəssisələrində bu pilot layihənin tətbiqinə 2014-2015-ci tədris ilindən başlanılıb, ötən tədris ilində paytaxtdakı 27 tam orta məktəbdə 36 sinifdə icra edilib. Layihə 2017-2018-ci tədris ilində isə 40 sinfi əhatə edəcək.
Prezident İlham Əliyevin ölkədə təhsilin inkişafına göstərdiyi diqqət və qayğı, bu sahəni dövlət siyasətinin mühüm prioritetləri sırasına daxil etməsi təsadüfi deyil. Ulu öndər Heydər Əliyevin də dediyi kimi, təhsil millətin gələcəyidir. Son illər bu istiqamətdə görülən tədbirlər tədris prosesinin günün tələbləri səviyyəsində qurulmasına imkan verən müasir məktəb binalarının inşası prosesini daha da sürətləndirib.
Yeni tədris ilində şagirdlərin ixtiyarına veriləcək futbol, voleybol və basketbol meydançalarında da əsaslı yenidənqurma işləri görülüb. Məktəbin həyətyanı ərazisində geniş abadlıq işləri aparılıb, işıqlandırma sistemi quraşdırılıb.
Prezident Bakıda 257 nömrəli məktəbin yeni korpusunun açılışında iştirak edib - YENİLƏNİB
Səbail rayonunun məktəblərində təmir işləri aparılır
Prezident İlham Əliyev 74 nömrəli məktəbdə əsaslı təmirdən sonra yaradılan şəraitlə tanış olub
Bakıda əsaslı təmir olunan məktəblərin siyahısı açıqlanıb
Bakının Nizami rayonunda yeni bağça istifadəyə verilib
Prezident Bakı Ali Neft Məktəbinin kampusunun açılışında
Qəzalı vəziyyətdəki kənd məktəbləri modul tipli məktəblərlə əvəzlənir
Bu il Azərbaycanda 71 yeni məktəb inşa edilib
130 məktəbdə təmir işləri aparılmalıdır
Prezident İlham Əliyev Ağstafa rayonunda yaradılan distant təhsil layihəsi ilə tanış olub
Təhsil Nazirliyi 571 xarici diplomu tanımadı !
6 nömrəli məktəb-liseydə növbəti “Novruz mühazirəsi” keçirilib
Lənkəran şəhər S.Kazımbəyov adına 6 saylı tam orta məktəb - liseydə ƏLİFBA BAYRAMI keçirilib
Məhəbbət Vəliyeva: "Sentyabrdan 20 nömrəli məktəbin köçürülməsinə başlanacaq"
Abşeron rayonunda məktəbəqədər müəssisələrində cari təmir işləri yekunlaşır
Modul tipli məktəblərlə tanışlıq üçün mediatur keçirilib
Vandam kənd tam orta məktəbinin satılması ilə bağlı şaiələr yayılıb
Həştərxandakı Heydər Əliyev adına məktəbdə Bilik günü qeyd olunub
Tam orta təhsil səviyyəsində təmayülləşmənin tətbiqi necə həyata keçiriləcək?
İkinci tələbə evinin də tikintisi başa çatmaq üzrədir-rektor danışdı
“Ulu öndər Heydər Əliyevin milli ordu quruculuğu siyasəti” mövzusunda dərsin təqdimatı olub
Nazirdən yeni ƏMR - 5 şəhər və 41 rayonunun 124 məktəbində təhsil təmayüllər üzrə təşkil olunacaq.
Ölkədə 100 modul tipli məktəb istifadəyə veriləcək
Təhsil Nazirliyi hansı siniflərdə dərslikləri təzələyəcək?