Nazirlik: Respublika fənn olimpiadaları iştirakçılarının sayı ildən-ilə çoxalır

Təhsil Nazirliyində məktəblilərin Respublika fənn olimpiadalarının birinci mərhələsinin başlanılması ilə bağlı brifinq keçirilib.

Məlumata görə, Təhsil Nazirliyinin Təhsilin inkişafı proqramları şöbəsinin müdiri Emin Əmrullayev bildirib ki, olimpiadanın birinci - rayon (şəhər) mərhələsinə fevralın 4-də start veriləcək.

Onun sözlərinə görə, Respublika fənn olimpiadaları iştirakçılarının sayı ildən-ilə çoxalır:

"Bu il Azərbaycan dili və ədəbiyyat, riyaziyyat, fizika, kimya, biologiya, informatika, coğrafiya və tarix olmaqla 8 fənn üzrə 33 112 şagirdin iştirakı ilə əlaqədar yerlərdən müraciətlər daxil olub. Bu mərhələdə Bakı şəhərindən 6326 şagird, Naxçıvandan isə 652 şagird iştirak edəcək.

Olimpiadaya ən çox şagird - 7387 nəfər Azərbaycan dili və ədəbiyyat fənnindən, 7311 nəfər riyaziyyat fənnindən, ən az şagird isə 721 şagird olmaqla informatika fənnindən qatılacaq".

Brifinqdə qeyd olunub ki, olimpiadada 12 022 nəfər 9-cu sinif şagirdi iştirak edəcək. Onların arasında xüsusi istedadı və hazırlığı ilə seçilən 7-8-ci sinif şagirdləri də var. İştirakçılardan 11 195 nəfər 10-cu, 9895 nəfər isə 11-ci sinif şagirdləridir. Şagirdlərdən 31 326 nəfəri Azərbaycan, 1786 nəfər isə rus bölməsində təhsil alır.

Üç mərhələdən ibarət olacaq olimpiadanın final mərhələsinə hər fəndən ən yaxşı 60 şagird iştirak edəcək. Final mərhələsində iştirak edən şagirdlərin hər birinə olimpiadanın "İştirakçı” sertifikatı təqdim ediləcək. Qaliblər I,II və III dərəcəli diplomlar, müvafiq olaraq qızıl, gümüş və bürünc medallarla təltif olunacaqlar.

Məqalə Göndər

Загрузка...

Həmçinin oxuyun:

Respublika fənn olimpiadalarının final mərhələsi keçiriləcək

Fənn olimpiadalarının birinci mərhələsinin nəticələri məlum olub

Respublika fənn olimpiadalarının final mərhələsi keçirilib

Gəncədə Respublika fənn olimpiadalarının Respublika mərhələsinin yarımfinal turu həyata keçirilib

Respublika fənn olimpiadasında iştirak etmiş Samux rayon şagirdlərindən 36 nəfəri olimpiadanın yarımfinal mərhələsinə vəsiqə qazanıb

Göygöl rayonundan fənn olimpiadası qalibləri müəyyən olunub

Müsabiqənin nəticəsi məlum olub - 815 şagirdin...

Respublika fənn olimpiadalarının yarımfinal turu keçirilib

Yanvar ayının 15-də Samux rayon ümumi təhsil məktəblərində təhsil alan şagirdlərin iştirakı ilə Respublika fənn olimpiadalarının rayon mərhələsi heyata keçirilib