Bunu deyən müəlliməni 3 illiyə işdən azad etdilər... - “HOMOSEKSUALLIQ GÜNAHDIR...”

Amerikada gənclər, tələbələr arasında homoseksuallığın təbliğ olunmasının əleyhinə çıxan müəlliməni işdən azad etdilər.

Bu haqda Amerika KİV xəbər yayıb.

28 ildir əlil tələbələrlə işləyən müəllimə Ceni Noks 2000-ci ildən Ali Məktəb İttifaqında Bibliyanı öyrənən bir qrup əlil tələbəyə ilə çalışmağa başlayıb. Bu yaxınlarda işlədiyi məktəbdə rəsmən "homoseksuallıq ayı” elan ediləndən sonra müəllimə hiddətlənərək "Facebook” səhifəsində bunun ənənəvi kişi və qadınlar üçün təhqir olduğunu bildirib.

Müəllimə Amerkanın "LGBTQIA+” cəmiyyətinin məktəbdəki böyük stendlərdə yerləşdirilmiş "həyasız "Transgender ol!” şüarını kəskin tənqid edib.

"Nəyə görə özünün qeyri-təbii davranışını bütün qalan dünya qarşısında nümayiş etdirməlisən. Axı sodomiya- insan ruhunu xərçəng şişi kimi məhv edən bir günahdır” - amerikan müəllimə sual edir.

Onu da nəzərə almaq lazımdır ki, Ceni Noks sosial şəbəkədəki statusunda heç bir konkret şəxsin adını çəkməyib. Buna rəğmən məktəb rəhbərliyi müəlliməni məhkəməyə verib. Üç instansiyada gərgin mübarizə apardıqdan sonra məhkəmə Ceni Noksu 3 il müddətinə müəllim kimi işləmək hüququndan məhrum edib. Lakin bəşəri dəyərlərə sahib duran müəllimə hələ də Amerikanın hüquq sisteminə arxalanaraq öz haqlarını bərpa edəcəyinə ümidlidir.

Xəbərdə son vaxtlar digər Qərb ölkələrində, xüsusən Böyük Britaniya və İspaniyada ənənəvi ailə dəyərlərinə qarşı bu cür basqı hallarının artdığı qeyd edilir. Və buna konkret misallar çəkilir.

Moderator.az

Məqalə Göndər