Mətbuat Şurasının 03.08.2016-cı il tarixli iclası ilə bağlı açıqlama

Hörmətli oxucular ! Aztehsil.com saytı 2016-cı ilin may ayının 15-dən fəaliyyət göstərir. Bu saytı yaratmaqda məqsədimiz təhsil işçilərini,təhsil sahəsində çalışan idarəedicilərin maariflənməsi,onlara peşə fəaliyyətində lazım olacaq materialları bir arada toplamaqdır. Aztehsil.com saytı yaranmamışdan öncə "Təhsil və İdarəetmə" blogunda ( http://elsenqafarovlatehsilveidareedici.blogspot.com/) fəaliyyət göstərirdik. Məktəblərimizdə dərsdənkənar məşğələlərdə,təşkilat saatlarında , fakültativ və qrup məşğələlərində müəllimlərimiz tərəfindən Şəhidlərimizin,Qazilərimizin və Milli Qəhrəmanlarımızın təbliğ olunmasını arzuladığımız üçün Qarabağ bölməsində müvafiq olaraq "ŞƏHİDLƏR " ,QAZİLƏR " , MİLLİ QƏHRƏMANLARIMIZ " bölmələrini yaratdıq. Mənim facebook dostluğumda olan Leyla Həsənovanın səhifəsi əsasən Şəhidlərimizə aid çoxlu materialların olduğunu görüb ondan xahiş etdim ki ,bu materiallar onundursa ,özünün olmayanları isə qaydalara uyğun olaraq ( müəllif hüquqlarını pozmadan ) saytda yerləşdirsin və o, QARABAĞ bölməsində ictimai əsaslarla əməkdaş kimi fəaliyyətə başladı.

Məqsədimiz Vətən Şəhidlərini ,Qəhramanlarımzı təbliğ etmək olub. Bu saf niyyətimizdən bilərəkdən və ya bilməyərəkdən istifadə edən Leyla xanım ayrı -ayrı yazarların müxtəlif saytlarda yazdıqları məqalələri öz adıyla saytda yerləşdirmişdir. Nəticədə Femida.az saytının müxbiri Mircələl Məcidov və "Discoveri Azerbaycan" jurnalının əməkdaşı Aida Eyvazova haqlı olaraq Aztehsil.com saytı haqqında Mətbuat Şurasına şikayət etmişlər. Mətbuat Şurasının 03.08.2016-cı il tarixində yaranmış vəziyyət müzakirə edilmiş saytımız Leyla Həsənovanın məzuliyyətsiz və səhlənkar addımları nəticəsində qınanmışdır.

Aztehsil.com saytı olaraq məqsədimiz təhsil işçilərini maarifləndirməkdir. Yaranmış vəziyyətlə bağlı olaraq biz çox təəsüf ki Qarabağ bölməsini bağlamalı olduq.

Leyla Həsənovanın buraxdığı kobud səhvlər saytımızın fəalliyyətinə heç bir maneə törədə bilməz. Biz Aztehsil.com saytı olaraq yaranmış anlaşılmazlığa görə Femida.az saytının müxbiri Mircələl Məcidovdan və "Discoveri Azerbaycan" jurnalının əməkdaşı Aida Eyvazovadan üzr istəyirik, Azərbaycanımızın hər bir təhsil işçisinə can sağlığı ,peşə fəaliyyətlərində uğurlar arzulayırıq. Bilik paylaşdıqca artır. Bizim saytımızında əsas devizi " ÖYRƏNƏK VƏ ÖYRƏDƏK " olduğu üçün bu yolda hər birinizə müəffəqiyyətlər arzulayırıq.

Baş redaktor : Elşən Qafarov

Məqalə Göndər