Koreya səfiri Sənaye və İnnovasiyalar üzrə Bakı Dövlət Peşə Təhsil Mərkəzində

Sənaye və İnnovasiyalar üzrə Bakı Dövlət Peşə Təhsil Mərkəzində Koreya Respublikasının Azərbaycandakı fövqəladə və səlahiyyətli səfiri Kim Tong Opla görüş keçirilib.

"Peşə Tədris Mərkəzinin yaradılması” layihəsinin rəhbəri Heo Yo Sydonio layihənin cari vəziyyəti, görülən işlər barədə məlumat verib. Layihə rəhbəri Koreya standartları əsasında fəaliyyət göstərəcək yeni peşə təhsil müəssisəsinin Azərbaycanda rəqabət qabiliyyətli kadr təminatının artırılmasına, peşə təhsili pilləsinin inkişafına faydalı olacağını qeyd edib.

Peşə Təhsili üzrə Dövlət Agentliyinin direktoru Pərviz Yusifov mərkəzin qlobal sənaye ehtiyaclarına cavab verə biləcəyini, rəqabətqabiliyyətli kadrların hazırlığına istiqamətləndiyini deyib. Mərkəzin ölkənin ən qabaqcıl sənaye müəssisələri ilə əməkdaşlığa başladığını diqqətə çatdıran agentlik direktoru gələcəkdə Koreya şirkətləri ilə də əməkdaşlıq qurulacağına ümid etdiyini bildirib.

Koreya Respublikasının Azərbaycandakı fövqəladə və səlahiyyətli səfiri Kim Tong Op yeni yaradılan Peşə Təhsili Mərkəzindəki cari vəziyyətlə tanışlıqdan məmnunluğunu diqqətə çatdırıb və koreyalı mütəxəssislər tərəfindən yerli müəllimlərə təlimlər keçirilməsinin əhəmiyyətindən danışıb. Birgə tədbirlərin, layihələrin təşkilində maraqlı olduğunu qeyd edən səfir Kim Tong Op Peşə Təhsili üzrə Dövlət Agentliyi və Koreya Respublikası arasında mövcud əməkdaşlığın daha da məhsuldar olmasını arzu etdiyini bildirib.

Yeni peşə təhsil müəssisəsi Azərbaycan və Koreya hökumətləri arasında razılaşmaya uyğun olaraq, Koreya təhsil standartları əsasında yaradılmış ilk pilot təhsil müəssisəsidir. Müasir maddi-texniki baza ilə təchiz edilmiş, əsas tədris binası, 2 emalatxana, yataqxana, idman meydançası və digər zəruri infrastrukturu özündə cəmləyən təhsil kompleksində sonuncu tamamlama işləri gedir.

Məqalə Göndər

Загрузка...

Həmçinin oxuyun:

Koreya təhsil standartlarına cavab verən Peşə Təhsil Mərkəzi

Yeni Peşə Tədris Mərkəzinin təməli qoyulub

Firudin Qurbanov Koreya Respublikasının səfiri ilə görüşüb

ADU tələbəsi Koreyada Azərbaycanı təmsil edəcək

Peşə təhsili və təlimi sahəsində görülmüş işlər və qarşıda duran vəzifələr müzakirə olunub

Peşə təhsili və təliminin inkişafına dair strateji yol xəritəsi üzrə tədbirlərin 8%-i icra edilməyib

Koreya Respublikasında 2019-2020-ci tədris ili üzrə təqaüd proqramı

Azərbaycanda peşə təhsilinə maraq artır

Azərbaycanda 10 pilot peşə təhsili müəssisəsi yaradılacaq

Gəncədə sənaye emalatxanasının açılış mərasimi

Cari ilin sonunadək rasionallaşdırılmış peşə təhsili müəssisələrində çalışan ixtisas fənn müəllimlərinin bilik və bacarıqlarının diaqnostik qiymətləndirilməsi nəzərdə tutulur