Erkən gənclik yaşının xüsusiyyətləri - "Mən kiməm?"
Bu dövrdə (15-18 yaş) orqanizm anatomik-fizioloji cəhətdən sürətlə inkişaf edir, yeniyetməlik dövründə müşahidə olunan qeyri-mütənasib inkişaf normal hala düşür.
Boy artımı səngiyir, əzələ gücü qüvvətlənir.Erkən gənclik şəxsiyyətin əsas keyfiyyətlərinin formalaşdığı və ictimai fəallığının artdığı dövrdür.
O, vətəndaşlıq və seçib-seçilmək hüququ qazanır. Bu yaşda bir sıra yeni keyfiyyətlər meydana gəlir: özünüdərketmə, özünüqiymətləndirmə və mənlik şüuru inkişaf edir; əxlaqi görüş və əqidənin, dünyagörüşünün formalaşması baş verir; müstəqillik, özünütəsdiq və özünütərbiyə meyli güclənir və s.
Məktəbdə və ailədə gənclərin müstəqilliyinin məhdudlaşdırılması çox vaxt münaqişələrə və münasibətlərdə soyuqluğa gətirib çıxarır. Belə hal bəzi gəncləri qeyri-formal, kortəbii küçə qruplarına çəkib aparır. Burada onlar başqaları ilə bərabərhüquqlu ünsiyyətə girir, müstəqillik tələbatını ödəyirlər.
Lakin tam yetkinləşməmiş gənclər küçə qruplarının mənfi təsiri altına düşə bilirlər. Bunu nəzərə alaraq, müəllim və valideynlər gənclərin müstəqilliyinə hörmət etməli, normal ünsiyyət mühiti yaratmalı, onları faydalı ictimai işlərə cəlb etməyə çalışmalıdırlar.
Böyük məktəblilərdə öz hissləri və fikirləri üzərində düşüncələr, özünüdərketmə tələbatı güclüdür. "Mən kiməm?", "Nəyə qabiləm?", "Həyatın mənası nədir?" kimi suallar onları düşündürür. Bu yaşda əxlaqi məsələlərə də maraq güclənir. Sözü üzə demək, prinsipiallıq, düzlük - gənclər üçün xarakterikdir.
Onlar adamlarda düzlüyü, təvazökarlığı, əməksevərliyi, sadəlik və xeyirxahlığı daha yüksək qiymətləndirirlər. Tənqid, özünütənqid gənclər üçün xarakterikdir. Onlar diskussiya, həqiqət axtarışına daha çox meyl göstərirlər.Erkən gənclik yaşında təlimə maraq artır.
Bu isə onlarda yeni ictimai motivlərin və özünütəhsil tələbatının yaranması ilə bağlıdır. Fənnə maraq çox vaxt elmə olan marağa çevrilir.Bu yaşda gəncləri özünütərbiyəyə geniş cəlb etmək, tərbiyə işində mənəvi məsələlərə, ailə, məhəbbət və peşəyönümü işinə diqqəti artırmaq lazımdır.
Məktəblilərin yaş xüsusiyyətləri- Akselerasiya nədir?
Kiçik məktəb yaşlı uşaqların xüsusiyyətləri -Qeyri-ixtiyari diqqət, mexaniki hafizə...
Uşaqlarda qorxu və "xoxan"ların sonrakı fəsadları
Kiçik məktəblilərin psixoloji xüsusiyyətləri
Tərbiyə prosesinin səciyyəvi xüsusiyyətləri
Məktəbəqədər dövrdə uşaqların fiziki inkişafı- Nələrə diqqət edilməlidir?
Uşağınızla yaşına uyğun davranın
Tərbiyənin metodları
Uşaqlarda liderlik keyfiyyətini necə yaratmalı?
Uşaqlarda çətin yaş dövrü- VALİDEYNLƏR DİQQƏTLİ OLUN
Uşaqlarda kitaba maraq necə yaradaq?
Ailə tərbiyəsində əsas vəzifələr -
Ümumtəhsil məktəbinin valideyn komitəsi haqqında Əsasnamə
Uşaq şəxsiyyətinin formalaşmasında valideynlərin rolu
Qız uşaqları atalarına, oğlan uşaqları analarına gözəl görünmək istəyir- Valideynlərin nəzərinə
Müəllim-şagird münasibətləri dərsin məqsədlərini reallaşdırmaq üçün zəruri amildir
Valideyn-övlad münasibətlərinin pedaqoji əsasları - Piralı Əliyev
Bu qidaları uşaqlarınıza verməyin- TƏHLÜKƏLİDİR
Azərbaycan gəncliyi yeni mərhələdə
Valideynlərin tədris prosesinə uğurla cəlb edilmə həddi nədir?
Uşaq tərbiyəsində valideynin rolu - SÖZÜ VƏ ƏMƏLİ NÜMUNƏDİR
6 PEDAQOJİ MƏSLƏHƏT - ƏMƏKSEVƏRLİK
Müəllim şagirdlərə düşündürücü, maraqlı, həyati əhəmiyyətli suallarla müraciət edərsə ....
Sinfin tərbiyə sistemi və onun inkişafının idarə edilməsi